चिंचवड विधानसभा पोटनिवडणूक- रिंगणात २८ उमेदवार;पहा कोणाला मिळाले कोणते चिन्ह

चिंचवड,दि.११ फेब्रुवारी २०२३(प्रजेचा विकास न्युज प्रतिनिधी):- चिंचवड विधानसभा निवडणुकीत जरी तिरंगी लढत होणार असल्याची चर्चा होत असली तरी या प्रत्येक्ष निवडणुकीत २८ उमेदवार असून कोणाचे स्टार कधी फिरतील मतदार कोणाला पसंती देतील याकडे सर्वांचे लक्ष लागून आहे येत्या २६ फेब्रुवारीला मतदान कोणाला होईल कोण विजयी होईल याची चर्चा मात्र संपूर्ण चिंचवड विधानसभेत नव्हे तर संपूर्ण महाराष्ट्रात होत आहे.चिंचवड विधानसभा मतदारसंघ पोटनिवडणुकीसाठी  दि.१० फेब्रुवारी रोजी  दुपारी ३ वाजेपर्यंत उमेदवारी मागे घेण्यासाठी मुदत देण्यात आली होती. वैधपणे नामनिर्दिष्ट ५ उमेदवारांनी विहित मुदतीत आपली उमेदवारी मागे घेतली. त्यामुळे आता प्रत्यक्ष निवडणुकीमध्ये २८ उमेदवार असणार आहेत. या उमेदवारांना निवडणूक चिन्ह वाटप करण्याची प्रक्रिया आज पार पडली असून  निवडणूक निर्णय अधिकारी सचिन ढोले यांनी चिन्ह वाटप जाहीर केले.

या पोटनिवडणुकीसाठी ३३ उमेदवारांचे नामनिर्देशन वैध ठरले होते. तर ७ उमेदवारांचे नामनिर्देशन अवैध ठरले होते. विहित मुदतीत ५ उमेदवारांनी आपली उमेदवारी मागे घेतली. त्यानंतर उर्वरीत २८ उमेदवारांसाठी  निवडणूक  चिन्ह वाटप प्रक्रियेला सुरुवात झाली. राष्ट्रीय व राज्यस्तरावरील मान्यताप्राप्त राजकीय पक्षांच्या उमेदवारांना  त्या पक्षांसाठी राखीव असलेली चिन्हे देण्यात आली. नोंदणीकृत राजकीय पक्षांच्या उमेदवारांसह अन्य उमेदवारांना भारतीय निवडणूक आयोगाने सूचीबद्ध केलेल्या १९७ मुक्त चिन्हांमधून उमेदवारांनी दिलेला पसंतीक्रम, त्यांची मागणी विचारात घेऊन  तसेच शालेय विद्यार्थ्यांच्या हस्ते सोडत पद्धतीने चिन्ह वाटप करण्यात आले. यावेळी  सहाय्यक निवडणूक अधिकारी अजित पाटील, निवडणूक सहायक तथा तहसीलदार नागेश गायकवाड, प्रशांत शिंपी, माध्यम कक्ष समन्वय अधिकारी किरण गायकवाड यांच्यासह नामनिर्दिष्ट  उमेदवार आणि त्यांचे प्रतिनिधी उपस्थित होते. चिंचवड विधानसभा मतदारसंघ पोटनिवडणुकीचे   निवडणुक  निर्णय अधिकारी सचिन ढोले यांच्या थेरगांव येथील निवडणुक  निर्णय अधिकारी कार्यालयामधील   कक्षामध्ये  चिन्ह वाटप प्रक्रिया सुरळीतपणे पार पडली.

उमेदवारी   मागे  घेतलेल्या  उमेदवारांच्या माहितीचा  तपशील   :-

 चिंचवड विधानसभा पोटनिवडणूक २०२३ मधील  उमेदवार आणि त्यांना मिळालेले चिन्ह  :-